?

Log in

回到官塘 我們又可以共晉早餐了



10-Mar-2009(二)
YEAH~期待已久的BUFFET餐! 仲係JOJO萬歲添~
今次食MR.STEAK BUFFET抵食過上次好多, 上次食係上上年既肥禮生日.
不過唔知點解個次我地好渣,只係食左幾round就放棄左. 但今次我真係食多左好多野, 起碼長腳蟹都抵番哂.
仲有鵝肝、魚生、和牛~~ so yummy! 真係好想吃多次!!

12-Mar-2009(四)
久違了既早餐再度登場了~
而家慣左早起身, 基本上我每日都係最早返工個批人. 無試過遲到, 兼且有充足時間嘆早餐!
我仲帶左部咖啡機(n年前亞咪送的)返工用,因為有幾個新同事都幾岩咀型又同樣中意飲coffee!
我地仲一齊去starbucks買左咖啡粉返來沖, 每日鑽研下點樣可以沖好飲d~~~遲d有客到我地可以provide coffee menu添~haaaa

今朝一早去了吃茶餐廳早餐~犯賤既男孩在犯事後都特別欣勤 一_一"""
收到新玩具,及一堆賣口乖說話。anyway,開心就算吧!
吃完早餐送到門口添~好彩無比新同事見到~haaa.

夜晚放工又一起共晉晚餐~原本不打算吃,放工先發現屋企無飯吃,所以近近地去左九龍灣池記吃麵,可能出面d野愈來愈貴,我發現原來池記又好食又唔貴~雖說服務普通,不過食物搭夠,兩個人都係$77! 仲有小食添~ 適合細胃口的我.

13-Mar-2009(五)
晚上ot到8點,一早都知開會實遲,適逢今晚岑伉儷打算一起打邊爐,所以等埋我才開餐。
鴻星最近學人搞打邊爐,不過得20樣野揀,無丸、無餛飩、無炸魚皮,最搞笑係有東星,星斑比你揀。。。。。。不過d材料好新鮮,所以都唔錯~同埋很便宜。only $18-$30一碟。

每次見到岑伉儷,佢地都同我講去考政府工既野,開始有d煩厭。

15-Mar-2009(日)
yeah, 終於有得踏單車lu~~ 適逢今日係kalun生日,所以我地muso人去左南Y島同佢慶祝!有我想踏很久既單車,我當然會去啦,heeee。

我地吃完個lunch都已經3點幾lu~ kalun佢地crazy d, 尋晚睇show睇天光然後今朝入來訓一陣,我就訓飽飽先入來。等埋tommy同佢小女友一齊去租單車,我地一心要踩上去風車發電站,沿途好多鈄路呀,都有d辛苦。上左風車發電站後我地再行上山頂,勁relax呀!企到最高個點吹吹風~

吹完風落番去吃豆腐花,很滑不過沒有豆味。

夜晚出番去銅鑼灣晚飯,去左PCCW既員工飯堂吃,又幾好味喎!同埋好平。9個人請埋kalun每人都係$114, 仲吃左7味餸~最good係wasabi 骨、墨魚餅、蒜蓉蟹糯米飯。
食完飯唔夠喉,kalun請我地去haggen daz吃雪糕~ 壽星仔萬歲番轉頭~

16-Mar-2009(一)
放工跟肥禮在銅鑼灣會合,肥禮爛咀所以唔可以吃outback~
行下行下都唔知吃咩好,估唔到銅鑼灣咁大我地唸野食都可以唸咁耐,最後去左未食過既"蛇王二"。
蛇羹不太美味,招牌菜都結pat pat既,燒味飯就okay。
總括而言,可以唔食。

食飽飽都無乜心情行街,因為很累又無乜野想買,兜左一陣就回家lu。

不要害怕

親愛的sweeties~或許我不應把自己的心事收藏。
所以我把29th dec寫的一個private entry變了friends only entry, 你們可以了解我和禮禮之間的不愉快。

事情已過去,當然我心裡猶有餘悸,不過呢一刻的旋旋不想再去煩惱,不想再去推測....真的很累很累。累得我幾晚也不能睡。累得我會不自覺地哭起來。

見到自己唔開心我會唔開心,見到禮禮因為自己唔開心而唔開心我難過。

愛情是麻目的,但我會是理智的麻目,天真的跟自己說:如果禮禮真的找到一個更好,給他更多快樂和甜蜜的女孩子,就由他吧!

用小煙花寫字~很好玩哩~
個"O"字係我黎架!
就是這隻貓把我嚇得半死~討厭!!

點解無人UPDATE架~~~

原來您也很橋的






今日終於輪到我講: 今日我生日!我大哂~

中環
早約左10點係鑽石山地鐵站出發! 第一站去我地第一天約會的地方---> 中環蘭方園!仲記得當日都係從鑽石山地鐵站出發架~haaa
一心唸住黎嘆番個正早餐!點知今日d熱奶茶好唔掂呀!好"希"呀!忍唔住要叫個waiter沖過杯,當我同佢講杯奶茶點解咁希既,佢同我講無可能架喎,應該唔會架bor!跟住佢再沖一杯黎既時候,係一滴奶都無落過咁,,,,,好難飲呀!好似飲涼茶咁!玩野!

食完早餐去左SHOP一陣:H&M...HMV...NIKE......

銅鑼灣
恐懼鬥室5-幾好喎~今次無咁多變態野,但反而有劇情!繼續會捧第6集場,不過又要等一年!
玩具店----銅鑼灣地帶----皇室堡-----時代開倉-----SAMSUNG維修部-----六合彩--------搭BUS去油麻地

油麻地


IN'S 點商場----肚餓去左廟街美都餐室醫肚---終於飲番杯正常奶茶-------影貼紙相----我地第一次影----唔知道點解肥禮好抗拒影---所以一直以黎都借D意唔同我影-----不過今日我生日!我大哂~

太子
夠鐘食晚餐~ 原本都BOOK左銅鑼灣法國餐~~不過天寒地涷好似想打邊爐多D,兼且有得BOOK VIP房~兩個人一間4人房好舒服哩! heeee~

食飽飽搭地鐵回家~一如舊年~肥禮必須做滿某件事先準走~如果我50歲時咪有50啖~heee.....

 



臨放假前同事送的禮物~~咁岩又係ear rings~~pretty~
在sasa搜購了新的指早貼紙~~原來sasa有勁多,多過bonjour好多哩.

好悶呀~返工返得沉悶!不是因為無野做喎~而係d野好悶…加上公司個個都病病地咁..好似無乜氣氛~~自上星期五發病,睇左醫生,食哂d藥後但都未好返哂....都唔知睇唔睇第二次好...

唔知係咪天氣影響,我地office最近個個都玩早訓,最誇張既同事居然8點幾訓左.我同另外既同事都11點幾就訓..但第二日都好眼訓既.
 

無言

連續兩餐吃周記避風塘

7-10-2008 重陽節(星期二)



距離12月最後一日既公眾假期呀~放埋就要等成個幾月先有得放喇.
一早去拜山, 柴灣出奇地少人, 全程都可以比車上山, 基本上係唔駛點行.
因為重陽節拜山純粹係登下高咁, 所以今次無野食架~無乳豬,無燒鵝食~~
拜完山我地全部人好乖咁走去籃田同婆婆飲下午茶, 好少有.
飲完茶石修伉儷同舅父上大陸按摩, 我就落旺角找肥禮. 因為佢剛好放4:30PM.

肥禮收到通知11月要轉職呀~ 4年一次既轉職~~得佢一個調左去軍裝咋. 唔知係守港澳定羅湖....
一臉愁容~皆因守羅湖既話, D返工時間好辛苦架. 要6:30am返到羅湖, so crazy!
亦因為要著軍裝制服, 對住d街外客...肥禮試左套制服唔岩著呀~~~
所以鄭重宣佈: 佢的起心肝決定減肥喇!!!!!
即係今晚係我地告別大餐之夜~~好唔開心.....
無得食outback, 無得食黃金蝦,無得食燒賣魷魚,無得食炸雞脾下午茶,無得食糖水lu~~~

11-10-2008 星期六

自從肥禮決定減肥後~ 真係連續兩日都去做呢年幾兩年都無做過既野喎-------gym
唔知佢係咪真係堅持到回復29寸驕人身材哩~~連我都未見過,,,,真係拭目以待!

今日夠鐘放工走人, 去mk地鐵站meet肥禮.
去左花園街個頭吃下午茶~ 肥禮好乖咁陣係食左個包喎!
食完下午茶去左皆旺商場~ 因為見到有套絕版黃金戰士膠公仔! 肥禮雙眼發光, 可惜店主未開鋪.
就係因為咁, 我地來來回回去左呢個商埸5次! 同一條電梯上左5次~so crazy! .......終於第5次既時候有開喇~
不過好可惜呢個店主實在係食水好深~ 其實肥禮都知道呢個店主不嬲有少少衰, 逐叫我先去問價.
店主開我價$2000, 肥禮轉頭自己問, 佢開價$3000! 真係發佢個春秋大夢呀~
其實呢套野肥禮都有, 不過少左1隻. 但佢買入時只係$100/隻.

之後去左兆萬睇野~ 行玩具店黎講, 我比較喜歡兆萬同信和, 因為有d唔係男孩玩具野既鋪頭....剛才行左5次皆旺真係想訓著......去到兆萬好多格仔鋪, 我覺得有好多得意野睇~~~
今日終於忍唔住買左個貼係電話度用既鏡頭仔黎玩下~~ 呢款野其實都出左唔短時間, 次次行過都無買~
有成12款, 最後我揀左[魚眼鏡], 雖然我都有一部魚眼相機~hee~ 不過呢個即影即睇, 好似好得意咁~~

行完兆萬兜左信和1個圈就夠鐘去吃飯lu~我地又係book左避風塘呀~~因為貪佢2人房坐得好舒服呀~~
其實[周記避風塘]都係鴻星集團, 所以質素都唔錯~ 上次同過個經理傾計, 今次再黎佢認得我地lu~
我地又係叫上次個A菜~~其實係油麥菜~ 不過用石頭兜上菜.
仲有我地試左新出既[大閘蟹糯米飯]~ 原本無唸住咁早食大閘蟹, 因為聽講要月尾D蟹先靚~
不過個waiter話今日返個批好靚, 所以一試~~~
估唔到真係好多膏喎~~掛住食唔記得影低d膏既樣,
但5両重唔係好大隻囉~~ 個經理幫我地將部份蟹膏撈落d飯度吃~ very good~

我地今晚又玩賭呢餐~~~於是我地駁老命咁打~~~~明明8點已經食完餐飯, 我地最後掛住打~~~打到9點先埋單走人! haaaa....最勁係出面d台都轉左第二輪, 我地繼續打都無人理我地~~連續上訴左2次.....可惜都係我輸.....就係輸左4分......shit~~

12-10-2008 星期日