24-3-2009(二)
YEAH,今朝吃了太興早餐。太興早餐好似愈來愈普通，連最BASIC既沙嗲牛肉公仔麵都無，陣係得午餐肉雞蛋公仔麵，我都唔吃午餐肉既。

無見差不多一個星期。我地好似好耐無講野咁，肥禮仲比我狂寸添。
其實我周不時都唸好多野，不過唔想再去分析再去推測了，有時自己醒唔起當醒唔起囉，覺得無必要再專登提起曾經怎樣怎樣。將來係點就由將來決定吧。我只想自私地自己開心。

28-3-2009(六)
終於等到星期六可以去行街lu，一放工就搭車落左旺角。先去朗豪坊兜左個圈睇返工袋。因為之前那個太細又放唔到重野唔方便。之後周圍行下，食下，買下，夾糖。

最近很喜歡似HAPPY LEMON既烤珍珠奶茶，$11好飲又抵飲，每次都好夠茶味。
又去番我地成日幫襯既＂富記＂。唸住又可以吃到水吧師傅煮既咖哩朱頸肉添～點知水吧佬無做lu, 好失望。搞到我地花左好多時間去唸吃乜野~~~

29-3-2009(日)
因為好想行街買野，所以同蟹君兩條友去左尖沙咀行街。如果明知自己不會跟他一生一世但又繼續去，不知道我能不能做到哩。或者每個女孩都跟男孩相反的，初初不在乎然後愈來愈多要求。

YEAH，買左之前睇中左既GUESS返工袋，夠哂大。係ZARA買左一件平衫加平褲。始終我都唔需要勁FORMAL返工,所以無乜返工衫買到。

30-3-2009(一)

放工到了官塘的大排檔開餐~第二次幫襯~都係食番差不多既餸.
呢度有一味叫做麻辣香酥骨，兩個都不太吃辣的傻瓜偏要再吃。
伙記都話你地唔食得辣不如唔好吃啦～哈哈～唔得，就係咁先過癮。

呢排無乜特別野要準時走，我都會慢慢留係公司做自己野，因為即使我九點先走，九點半都返到去睇學警出更。而且一點兒也不覺辛苦。

今日肥禮入左屯門練習燒槍，仲拎走埋張燒槍紙返去留念。好似小朋友咁同我分享佢既成績，全部槍口都針對人地個肚黎射，梗係唔抵得人地無肚腩啦。